شباب دمرو الرياضى
اهلا بك زائرنا العزيز اسرة منتدى شباب دمرو ترحب بك
ونرجو ان تقضى معنا امتع الاوقات
بحـث
 
 

نتائج البحث
 


Rechercher بحث متقدم

سحابة الكلمات الدلالية

المواضيع الأخيرة
» حكمة اليوم وكل يوم
الجمعة أبريل 20, 2012 7:31 pm من طرف شحات كامل

» رسائل 2012
الأربعاء أبريل 04, 2012 6:15 pm من طرف محمد الشربينى

» ______________ لا تظن القلب بعد المذله لك يميل اعتبرني يا سيدي في حياتك عابر سبيل
الأحد مارس 04, 2012 7:00 pm من طرف محمد الشربينى

» ليتة بالكلمات يرحلون .............
الثلاثاء أكتوبر 11, 2011 6:08 am من طرف admin

» جرح العيــــــــد
الجمعة سبتمبر 23, 2011 7:45 am من طرف محمد الشربينى

» حب النبي صلى الله عليه وسلم لجليبيب رضي الله عنه
الخميس سبتمبر 22, 2011 10:12 pm من طرف محمد صبرى بدوى

» الاحتلال يستخدم للمرة الاولى "الصرخة" ضد المتظاهرين على حاجز قلنديا
الأربعاء سبتمبر 21, 2011 10:10 pm من طرف angel

» "فلسطين: الدولة 194" توجه رسالة أسف إلى رئيس وزراء كندا
الأربعاء سبتمبر 21, 2011 10:06 pm من طرف angel

»  من الفلسطينين شكرا مصر
الأربعاء سبتمبر 21, 2011 10:04 pm من طرف angel

المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 11 بتاريخ الثلاثاء يوليو 30, 2013 10:21 pm

الفرق بين العقل الواعى والعقل اللاوعى

استعرض الموضوع السابق استعرض الموضوع التالي اذهب الى الأسفل

الفرق بين العقل الواعى والعقل اللاوعى

مُساهمة من طرف admin في الثلاثاء سبتمبر 13, 2011 1:19 am

اللهم صلى على النبى محمد وعلى آله وصحبه وسلم ..



ما هو العقل الواعى واللا واعى ؟



طيب ,, فى بداية الامر نحب ان نوضح ما الفرق ما بين العقل الواعى والعقل اللاواعى ..

1 - العقل الواعى
Conscious mind

بداية العقل الواعى باللغة الدارجة كدا اللى هو العقل اللى بكتب بيه الموضوع حاليا
يعنى انا بفكر حاليا بالعقل الواعى
يعنى حروف الموضوع دا مبنية على عقلى الواعى
تمام كدا ..
أذن العقل الواعى هو وصفاته هى //



- العقل المتكلم
- العقل المحلل
- العقل المنطقى
- العقل التحليلى
- العقل المدرك [ اى انه العقل المدرك للأمور هو ما يعى الاشياء حاليا]
- أذن :: هو العقل الذى يعى الأشياء ,, اى يعى ما يحدث الآن
- يتعامل مع شىء واحد فى وقت بعينه
- يفكر بطريقه متتالية اى (Sequential) اى 1 ثم 2 ثم 3 ثم 4 لتربيط الأحداث ببعضها البعض ..



وبالمناسبة فهذه الصفة تفيدك فى الحفظ بحيث ان تربط المعلومات ببعضها البعض ليستطيع العقل فهمها وادراكها جيدا ..




- لا يستطيع استيعاب أكثر من 7 معلومات + او - 2 معلومة ,, اى انه لا يستوعب اكثر من 7 معلومات فى الثانية الواحدة (وهذه هى الذاكرة قصيرة المدى)
- من يقوم ببرمجة العقل اللا واعى (ونضع بجوار هذه النقطة نجمة )
لما العقل الواعى يبرمج العقل اللاواعى ,, يبقى من واجبنا اننا نجعله عقل ماهر ,, عن طريق حضور ندوات ,, القراءة ,, المذاكرة ,, حل الالغاز ,, يعنى تشغل مخك ..




طيب ما هى وظيفة العقل الواعى ؟؟

العقل الواعى يا جماعة له 4 وظائف رئيسية ..
1- التعرف على المعلومات
ثم بعد كدا يرسلها لمنطقة المنطق فى المخ ..
2- يقارن ما بين هذه المعلومة وما بين معلومات موجودة عنده سابقا ..
3- يقوم بتحليل هذه المعلومات
4- يتخذ القرار
ثم يرسلها للعقل اللاواعى ,, لأن العقل الباطن (اللا واعى) يوجد به مخازن الذاكرة ..


مثال يدعم الشرح :
تخيل انك بتعدى الرصيف ,, وبعدين جت عربية بسرعة ..
انت كنت واخد قرار انك تعدى ,, لكن مخك تعرف على معلومة جديدة اللى هى السيارة اللى جاية بسرعة ..
فبدأت تقارن ما بين المعلومة دى وغيرها ,, فى مخك ,, فأكتشفت (اى حللت المقارنة )بان سرعة العربية بتؤثر سلبيا على عامل البقاء لديك ,, يعنى ممكن تخبطك
فأتخذت قرار جديد بأنك تجرى عشان السيارة متخبطكش
وبعد ما تجرى ,, العقل الواعى يبعت اللى حصل للعقل اللاواعى عشان يخزنه فى مخازن الذاكرة عنده ,, عشان لما العقل الواعى يجب يقارن بمواقف تانية بعد كدا ,, يجد فى مخازن الذاكرة عنده مواقف كثيرة تساعده فى اتخاذ احسن قرار


انا شخصيا حاسس الحين انكم بدأتو تشعرو بالتوافق والانسجام ما بين العقل الواعى واللا واعى ..
بدأتو تفهمو قدرات المخ الحقيقية .. صح ؟


2 - العقل الاواعى (العقل الباطن)
العقل الباطن ,, ايه حكايته ؟؟
العقل الباطن دا اللى فيه عاداتك ,, فيه صورتك الذاتيه ,, فيه ثقتك بنفسك ..
عشان تقدر تقوى ثقتك بنفسك ,, يبقى عن طريق عقلك اللاواعى ..

يبقى ما هو صفات العقل الباطن ؟
[SubConscious mind]




- العقل الصامت
- هو مخزن الذاكرة ,, ويقوم بتخزين المعلومات ..
- يتحكم فى كل تحركات جسمك الداخلية والخارجية ,, عشان كدا يقولك لغة الجسد والعيون لا تكذب لأنها متصلة بالعقل الواعى ,, فلا يستطيع الأنسان الكذب بهذه اللغة .. فهى دائما صادقة ..
- عقل لا يعى الأشياء ,, لذلك سمى لا واعى لأنه لا يعى الاشياء (انا عايزكم تفهمو مش عايز بصم )
- عقل يتعامل مع كل شىء فى نفس الوقت ,, يعنى لا حدود لقدراته .. يقدر يتعامل مع اى عدد من الاشياء بنفس الوقت .. على عكس العقل الواعى
- قدراته لا محدوووووووووودة ,, فهو يستطيع ان يستوعب حوالى 2 مليار معلومة فى الثانية الواحدة
- يسمعى العقل التلقائى ,, لأنه يفكر بطريقة تلقائية ,, ويربط المعلومات ببعضها بسهولة

- هو من يقوم بتنفيذ طلبات واوامر العقل الواعى ,, اى يقوم بتحقيق اهداف العقل الواعى .

- قدراته لا محدوووووووووودة ,, فهو يستطيع ان يستوعب حوالى 2 مليار معلومة فى الثانية الواحدة
- يسمعى العقل التلقائى ,, لأنه يفكر بطريقة تلقائية ,, ويربط المعلومات ببعضها بسهولة


هنا لاقيت شرح فى موقع اجنبى ,, عارف بيقولك ايه ,, بيقولك ان العقل اللاواعى دا زى الكمبيوتر اللى بيقول الوظائف اللى انا مش بتدخل فيها
مش جهاز الكمبيوتر بيعمل وظائف انا مش بتدخل فيها خالص ,, هو العقل اللاواعى مثله كدا ,, طب بيتعامل مع ايه ؟ مثلا عملية التنفس ,, المشى ,, الجرى ,, الحركات الخاصة بجسمك ,, وهو ايضا مركز العادات والسلوك ,, يعنى عشان تغير عادة ,, يبقى عليك وعلى العقل اللاواعى

طيب ,, نكرر تانى ,,
قلنا ان العقل الواعى هو من يقوم ببرمجة العقل اللاواعى ..

مثال // هام جدا فوق الوصف
يعنى تخيل شخص قال لنفسه انه يخاف من ركوب الطائرات ,, وكرر هذه الرسالة اكثر من مرة واضاف معاها شعورة واحاسيسه .. (يعنى عاش اللحظة ) فسيقوم العقل اللاواعى بجعل هذه الرسالة برمجة داخلية جواه .. وتصبح حقيقة مسلم بها .
وتصبح جزء من شخصية الشخص دا ..
عشان يخرج المشاعر دى والبرمجة دى فى الوقت المناسب لتمنع الشخص من انه يركب الطائرة

طيب لو اراد الشخص تغيير البرمجة دى ,, هيبدأ يخلى عقله الواعى يبرمج عقله اللاواعى ببرمجة جديدة ,, بانه لا يخاف ركوب الطائرات ,, وان كل الناس بتركب الطيارة من غير مشاكل ..
ويبدأ العقل اللاواعى يستجيب للبرمجة الجديدة ويغير البرمجة القديمة بالجديدة ..
وبكدا قدر انه يتخلص من مشكلة عنده متبرمجة فى عقله اللاواعى

معلشى اقرأ المثال تانى ,, ممكن يكون صعب ,, بس لما تركز وانت بتقرأ هتفهم كويس وهتستفاد اوى والله

من اشهر الكتب التي اعتنت بالعقل الباطن كتاب

((قوه عقلك الباطن))

للدكتور جوزيف ميرفي الحاصل على درجه الدكتوراه في الفلسفه والقانون
وله مبيعات ضخمة فى العالم كله ..

مثال يلخص الموضوع
العقل الواعى عبارة عن الفلاح اللى بيرمى البذرة فى التربة ,,
والبذرة اللى هى الفكرة ,, اللى هى المبادىء ,, اللى هى القيم ,, اللى هى الاعتقادات ..
كل دا بيلقى فين ؟؟ فى التربة ..
اللى هى العقل اللاواعى ,, الذى لا يعى الاشياء ,, تمام مثل التربة ,,
لو وضعت بالتربة مثلا حبة ماكرونة ,, هتقول لك المكرونة لا تزرع ؟؟ لن تقول لك شىء !! لانها لا تعى .. ولانها لن تخرج لك نبات ..
العقل اللا واعى نفس الشىء .. ,, اذا وضعت به بذرة اى فكرة ,, فكرة سلبية ..
فستقوم التربة ,, اى العقل الباطن ,, بأخراج نبات فاسد مبنى على الافكار السلبية ..
وانت السبب فى ذلك ,, لأن عقلك الواعى من زرع البذرة فى التربة (العقل الباطن)

فلو اردت ان ترى الحياة ايجابية رائعة جميلة ,, عليك ان تضع بذور التفائل ,, وكل البذور الإيجابية ,, التى تمكن عقلك اللاواعى من ان يخرج لك ثمرة بذورك ,, والتى ستكون متوافقة مع بذرتك ,,


ولا ننسى قول النبى صلى الله عليه وسلم ,, تفائلو بالخير تجدوه
ويقول الله عز وجل "إن الله لا يغير ما بقوم حتى يغيرو ما بأنفسهم"
avatar
admin
Admin



منشئ المنتدى




وائل شبانه
عدد المساهمات : 207
نقاط : 600
السٌّمعَة : 10
تاريخ التسجيل : 07/09/2011
العمر : 30
الموقع : https://www.facebook.com/

http://damrosadat.ba7r.org

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى